/80/ vehi putarent: hoc ipso innuens cuncta
fortuito sine personarum discrimine divinaeque
providentiae dispositione evenire. Cui, cum quidam
obiiceret pictas votorum tabulas, inquiens:
Tu, qui humana Diis curae non esse disputas,
nonne advertis ex tot tabellis pictis quam
multi conceptis votis tempestatis discrimen
et inclementiam effugerint salvique et incolumes
pervenerint in portum?»; hoc ab illo
responsi tulit: «Ita sit; illi enim nunquam picti
sunt qui, naufragio facto, in mari perierunt».
EXERCITATIO X
Diagorae argumento solvendo varias
adducit rationes.
Stoici Philosophi argumento huic
respondent negando minorem propositionem.
Existimant enim bonos in vita
praemiis munerari, improbos suppliciis affici;
virtus enim est praemium sui, vitium vero
sui supplicium. Primum ita, probat Boëtius
in 2. libro De consolatione philosophiae: «Rerum quae geruntur,
illud propter quod unaquaeque res geritur,
eiusdem rei praemium est. Uti currenti in stadio,
propter quam curritur, praemium praefixum
corona est; cumque omnis agens beatitudinis
Indice
|
Pagine introduttive |
|
EXERCITATIONES |